Uzbekistan Airways: უზბეკეთის აეროპორტების ელექტრომომარაგება სრულად აღდგა

უზბეკეთის ავიაკომპანიამ დღეს განცხადება გაავრცელა და განაცხადა, რომ ნამანგანის, ყარშის, ტერმეზის, ბუხარას და ფერგანას აეროპორტების ელექტრომომარაგება ოთხშაბათს გამთენიისას სრულად აღდგა.

სამშაბათს დილით, ელექტროენერგიის მასიური გათიშვა დაფიქსირდა სამხრეთ ყაზახეთში, თითქმის მთელ ყირგიზეთსა და აღმოსავლეთ უზბეკეთში, რამაც გამოიწვია ოპერაციების შეჩერება აეროპორტებში, დაზარალდა სარკინიგზო ტრანსპორტი და კომუნალური მომსახურება ბევრ ქალაქში, მათ შორის ბიშკეკში, ტაშკენტსა და ალმაათში.

უზბეკეთის ავიახაზების ცნობით, დღეს უზბეკეთის ყველა აეროპორტს ელექტროენერგია სრულად აღუდგა.

უზბეკეთისა და ყირგიზეთის ენერგეტიკის სამინისტროებმა მასიური გამორთვა ყაზახეთის ელექტრო ქსელში მომხდარ ავარიაში დაადანაშაულეს.

ყაზახეთის ელექტრო ქსელის ოპერატორმა KEGOK-მა თავის მხრივ განმარტა, რომ სატრანზიტო ელექტროგადამცემი ხაზი გადატვირთული იყო ყირგიზეთსა და უზბეკეთში ქსელის დისბალანსის გამო.